眨下眼，小小嘅和牛B已經3歲，要正式孭起書包上學去。
未曾讀過N班，今年就正式入讀幼稚園K1了。
和牛B未試過自己一個人單獨去返課，無單獨上過Playgroup、N班、興趣班。
而和牛B所讀嘅幼稚園係普通傳統學校，有三十幾年歷史。唔係啲咩大品牌、又出名嘅學校。
但係幼稚園好好，適應期有足足有兩星期之多。
第一個星期需由家長陪同，而上堂時間亦比正式上課遲一個鐘，頭一個星期每一日只係上1小時。
第二個星期開始，家長就唔可以陪小朋友上堂。而上課時間為2小時，第三個星期就正式上課，時間上午9時至中午12時放學。
作為媽媽，真係有好多個焦慮，以下就係我呢段時間嘅焦慮;
1. 每日會唔會著錯校服、鞋 (校服裙或運動服)
2. 每晚洗乾淨茶點餐具
3. 每日有冇將茶點餐具放入書包
4. 回條有冇簽好及帶回條袋
5. 有冇準備濕毛巾、乾嘅手帕
6. 有冇帶齊後備衣物
7. 有冇執齊返學嘅嘢
8. 有冇掛好名牌
9. 有冇貼好蚊貼、噴好驅蚊水
10. 茶點會唔會唔啱佢口味
11. 會唔會唔知醒
12. 會唔會俾同學仔蝦
13. 會唔會帶錯書包/生日袋 (生日會當日專用嘅袋)
14. 會唔會著錯咗同學仔對鞋返屋企
15. 會唔會無禮貌
16. 和牛B上課敢唔敢舉手同老師講要去廁所
17. 指定日子無帶圖書袋，而被罰借圖書一個星期
18. 出門口前有冇探熱
而呢啲焦慮，壓力仲比我返工大得多。
--------------------------------------------------
【編按：以上內容為作者之個人意見及立場】
