楠媽自小唔愛閱讀，雖然跌跌撞撞都碌左入大學完成學位課程。但書到用時方恨少。做左媽媽之後，開始因爲育兒既問題而睇多左書，明白原來書中自有黃金屋真係岩架。

 

閱讀可以窺探別人既價值觀同想法，吸收前人既經驗，從而反省自己。

閱讀可以學到新知識，豐富自己。

閱讀又可以收心養性，提升專注力。

所以閱讀真係有好多好處。

楠媽我真係好後悔，點解我細個唔好好咁多看書呢，真係好蠢。所以，我同楠爸要好好培養楠哥閱讀既習慣。多鼓勵佢愛閱讀。

 

你可能話BB咁細個，閱讀係浪費時間，根本吸收唔到知識。其實太細個bb，只志在啟發興趣而已，即係令佢唔抗拒，到有興趣自發打開來看看。點樣開始？我地會用親子伴讀形式一齊去探索。身教好重要，要講多幾次，身教真係好重要，要小朋友愛書，自己首先都要愛書。咁先有說服力架。小朋友模仿/信任對象就係爸媽呀。

 

最初既時候大概6-8個月，我地開始比佢接觸布書。自然而然，佢會攞黎咬，偶然會望下，都唔緊要呀，有布書係佢附近當玩具就算。唔好太介懷佢有無睇。

 

8個月開始我地會買硬皮書正式一起看，原因好簡單，就係撕唔開。私心既楠爸楠媽買左「I love my daddy」，「I love my mommy」做佢第一本硬皮書(笑）。每晚用少少時間邊指住d字/圖畫邊大聲讀比佢聽，令佢注意力集中在你指住既位置，可以令佢專注力得以延續，內容其實唔重要，明唔明都唔重要，你讀得有趣，佢聽得開心（好多時楠爸楠媽自己作故事，扮豬仔叫，扮雞叫，好浮誇）。久而久之，佢會鍾意呢個親子活動。有興趣一起看之餘又可以親子下，呢個睡前活動都唔錯架。

現在我們伴讀，會多著重物件、詞彙。圖中楠爸一起數星星。一齊唱歌。(笑)

 

12-36個月大既寶寶可以睇下有關生活情境/有生活化詞彙既故事書，從書中主角學習到生活既細節。坊間還有一些可以透過電話app讀到書入面既內容既幼兒月刊，每個月一個主題，透過讀故事、玩遊戲和做手工，一邊親子，一邊學習。寶寶輕鬆就掌握到自理既細節啦，無壓力架。

書中提到A kiss for Mom/ A kiss for Dad，跟住kiss 媽媽，媽媽甜在心頭。

 

楠哥開始覺得有趣，佢會久唔久自己攞起看。唔需要再鎖定閱讀時間了。訓醒會睇下，沒事幹會睇下，搭車無聊時又會睇下。只要唔抗拒就可以啦。閱讀其實唔悶，仲好鍾意添。咁就可以爲左將來開發黃金屋做好充足準備。

係屋企睇，去醫院睇，坐地鐵睇。(笑)

 

其實，閱讀就是探索未知世界的過程。閱讀可以促進學習能力的發展，鍾意閱讀的人往往有著強烈的探索欲，佢地會睇完一本又一本，因為書本既知識係無窮無盡架，世界咁大，我地無可能逐一親身睇到曬，但書中既世界，我地隨時隨地都可以窺探得到。

 

雖有話讀萬卷書不如行萬里路。但楠媽覺得，如果只讀書，不體驗，你獲取既知識，就只有白讀，知識需要體驗。如果只行萬里路，不吸取知識，你行了也白行，你知道某古蹟的歷史嘛，你知道眼前的動物是甚麼嗎？有時間，一定要帶bb周圍探索，周圍去睇新事物。讀萬卷書之後行萬里路，可以將以往閱讀到既事物呈現係活生生既眼前。會更加深印象，學到既知識更鮮明。先認識，後體驗係一個好全面既學習既過程。

 

更重要係：將書中既「知識」，化身成為「見識」。

 

其實每日都係只花20分鐘至半小時一起閱讀，何樂而不為呢？楠媽覺得兩者係雙輔雙承的。爸媽一齊加油。