踏上小學，孩子好像一瞬間成熟了許多。作為父母，又有不一樣的擔心。他們上幼稚園時，處處有老師照顧，上洗手間有姨姨，課室又有班主任，又有助教老師。每天三小時的校園生活，老師總安排得妥妥貼貼。家長和小朋友都沒有多大的壓力，香港絕大部份的幼稚園有沒有默書、測驗、考試，功課量也不多。三年的幼稚園生活，可算是輕輕鬆鬆的。
時間飛逝，筆者的小兒子在這個暑假後便升上二年級。過去一年，確實是多姿多彩又充實。想聽見別人提到由 K3升上小有一個適應期，也要為他們作出心理和生理的準備。那到底是什麼一回事呢？ 就讓我分享小兒子的一段話，希望大家也有所得着吧！
對孩子來說他們，他們確實有情感上的依賴。上小學後，孩子跟老師的關係不像從前那麼密切。他們要面對任教不同科目的老師，而老師們也就着本科的知識，有不同的要求。究竟，我們怎把事情解釋得輕鬆而富有挑戰性呢？以下是當時我與K3的小兒子一段對話:
媽媽：謙謙，媽媽知道宜家班主任Miss Yip教哂中、英、數喎!
謙謙：唔係! Miss Yip只係教中文同埋數學咋! 英文係 Miss Mason教架!
媽媽：你知唔知原來小學仲有好多科目㗎!
謙謙：我知! 有常識!
媽媽：你又知？
謙謙：因為我有幫家姐背書。
媽媽：咁勁? 家姐六年級喎!
謙謙：因為我叻!
媽媽：咁仲知唔知有冇其他科目呀？
謙謙：知! 有跑步堂!
媽媽：跑步堂？
謙謙：仲可以打波!
媽媽：唔只跑步同打波，仲有其他運動項目嫁，呢堂叫體育堂。
謙謙：我記得啦!家姐叫佢做PE堂。
媽媽：係呀!入到小學有好多唔同嘅科目，而每一個科目都有唔同嘅老師教。
謙謙：點解要咁多?
媽媽：因為上到小學你已經係大哥哥啦! 你可以學得更叻同更多。而且每一個老師都有自己的專長。同埋佢哋唔會淨係好似而家咁樣教一班㗎!佢哋可能有要較高年級嘅大哥哥大姐姐，又要同時間教你哋。所以你唔會係同一個老師教晒你咁多科㗎! 有多啲老師陪你玩唔係仲好咩?
謙謙：咁我咪好忙？
媽媽：放心!學校有小息同埋午膳時間比小朋友休息嘅!
謙謙：好似家姐咁樣?
媽媽：係!你會一樣好似家姐咁叻!
小朋友升上小學後，實在少了一些相處的時間。所以筆者更加珍惜每晚的睡前閱讀。家長們，子女需要的是正向的訊息及鼓勵性的說話。多花點時間進行 pillow talk。你將會驚訝你倆的關係從未如此密切!
