香港的催谷文化經常令到家長感到十分大壓力及痛心，有家長在教育王國討論區，講述認識一個K3小朋友，已讀畢Oxford Reading Tree Lv1-9（牛津閱讀樹），再加上其他中英文書，數量超過1000本。家長更有安排上門補習受外補，更有報讀小司儀班、英語網課及實體課，並考普通話證書。該網民又指，該K3小朋友甚至讀2間幼稚園，家長更會索取其他幼稚園筆記在家中教小朋友。

「個小朋友已經睇晒成set漢字500，每日上youtube學英文數學，k3已識乘數。然後（家長）話咁樣唔係谷，只係好似讀happy school咁，好輕鬆咁學習，根本冇超前！」網民指，看到這樣的個案，真的「懷疑人生」，質疑到底是否正常，「太恐怖，有啲怕自己小朋友跟唔上，佢只返幼稚園，冇補習冇興趣班冇考過cert，只得每日夜晚伴讀。」

有網民認為，讀兩間幼稚園已經是催谷，「小朋友要嘅係足夠休息，正常都要瞓11-13個鐘。」有網民則認為，完成Oxford Reading Tree 等在現今社會屬正常，最不正常是讀2間幼稚園及每日外補及興趣班，認為小朋友缺乏自由時間。有家長認為，不要受其他家長影響，繼續行自己一套就可以。