《Hello Kitty World Champion》這套英語學習套裝書係我近來至愛，因為它不單止可以學習到許多日常用語，仲有得當board game玩，而且佢仲係Hello Kitty喎! 講完！

一如以往，DR-MAX出品的套裝書包裝都非常精美，今次Crossover Hello Kitty更加不得了，當收到貨後打開紙皮箱，小朋友看見Kitty貓已經興奮到不得了(雖然佢以為係玩具)！

今次這套《Hello Kitty World Champion》 主題是帶小朋友曠闊眼界，成為世界冠軍。跟以往的英語教材有點不同，它運用不同主題 1) 傳統服飾 2) 地道美食 3) 地理環境 及 4) 名勝古蹟 4大主題讓小朋友可以學習到不同國家的得意知識，真係學英語之餘又認識世界。

《Hello Kitty World Champion》套裝包括: - 4本書(英語編寫) - 2片光碟 - 80張問題卡 - 4張自製人物角色卡 - 1粒骰子

一反轉個書盒，原來個盒底就係個棋盤。

4個不同主題從各個國家生活常識學習英語!

標準英語發音光碟 - 協助小朋友改善聆聽和發音技巧！另有手工摺紙 - 是棋盤遊戲的棋子，又可以多一個小小活動，給小朋友勞作樂趣！










四隻Hello Kitty棋子都唔駛用雙面膠紙，就咁摺起互zip便好穩陣企喺度。

玩法就好似細個玩的康樂棋，棋盤總共56格，擲出骰仔跟點數行，隨不同顏色格仔就抽出該主題的問題咭，答啱就跟咭上點數再向前行或答錯退後行，直至剛好擲出點數完結於最後一格就為勝出! 全個套裝係英語教材，故此遊戲咭都是以英語發問，是一個好好的機會俾小朋友學習英語。因為平時要佢哋讀英文俾你聽真係好難，但係在遊戲中佢哋就好自然自己讀出嚟! 如果問題太難唔識答，我哋就會掀開四款主題圖書去搵出答案。

玩下玩下佢哋兩個已經唔駛我Guide住去玩，自己擲骰出問題卡再去搵答案！

這個遊戲令小朋友學到好多不同生字(連我都唔識)～



見到書內的印尼服飾，就即刻話姐姐(工人)都有！

 



呀劍評語:

一大盒Hello Kitty套裝書$200都已經夠抵，仲要有Board Game配合邊玩邊學英文，而且可以順便學習其他國家風俗習慣，由生活常用詞語開始學習認識世界，十分讚!

《Hello Kitty World Champion》 簡介

小朋友，你對世界的認知有多深呢?讓我們一起曠闊眼界，成為世界冠軍吧!

1. 4個主題-傳統服飾、地道美食、地理環境及名勝古蹟小朋友可以學習不同國家的得意知識，認識世界

2. 趣味棋盤遊戲 -加入與圖書內容有關的問題，讓小朋友聚在一起玩遊戲，寓學於樂

3. 標準英語發音光碟 -協助小朋友改善聆聽和發音技巧

4. 手工摺紙 -發揮創意，享受親子勞作之樂趣

《Hello Kitty World Champion》套裝包括: 。4本書(英語編寫) 。2片光碟 。80張問題卡 。4張自製人物角色卡 。1粒骰子

(以上資料更新至文章當日)