講到大B、細B、超大B、超細B呢字眼，相信真係只有現今父母先知道同明白，回想我哋讀書嗰個年代，其實邊有呢啲嘢架，最多咪淨係得留班呢個概念。
有時喺forum見到一眾「受影響」家長都係離不開討論緊呢個話題，好似會話：「只有11,12月父母先會體會面試個種無力感。」、「小朋友出生已經是福氣，姑勿論是什麼月份」、「攪到啲7、8、9月仲慘，企左喺中間」，令人反思唔通真係「造人」開始就要睇時間？同時都衍生其他問題，例如7、8、9月嘅小朋友到底會唔會因為咁變成輸蝕啲呢？然而其實好多家長即使接受咗小朋友做「超大B」，都半帶無奈，字裡行間總係有種「有頭髮邊個想做癩痢 」嘅感覺......
或者世界、玩法都真係唔同咗，不過以上問題，相信根本唔會有答案，只有選擇邊條路令小朋友同家長最舒服，都有人會話唔好神格化超大B，因為一般而言，大細B嘅差距去到K2就會開始逐漸收窄，所以係咪會對升小有好大影響？就要家長自行決定喇！
【編按：以上內容為作者之個人意見及立場】
