2023-02-27

【教育方程式】小朋友鍾意一言九「頂」？回應小朋友頂嘴的3種方法

每次聽到小朋友「一言九頂」，爸媽都會無名火起，又不是沒有教導，不知為何小朋友就是要用這麼沒禮貌的方式回應，究竟是自己教得不夠好？還是哪裏出問題了？一般來說，孩子會頂嘴，主要可能是因為感到沮喪、想逃避、覺得父母的說話傷害到自己，亦有可能是單純是想引起父母的注意，但無論是任何一個原因，都指向小朋友頂嘴是情緒上感到有壓力，說明頂嘴並不是壞行為，而是正在表達他們情感上的需要。那麼面對小朋友頂嘴，家長可以如何應對？

上一次，小米跟大家談過小朋友頂嘴的現象。今次小米跟大家討論一下小朋友常見的頂嘴說話。

1.「我唔理，我要XXX!」

如果小朋友經常說以上的話，這可能是他正在表達他的需要或喜好。

爸爸媽媽回想一下，平時我們是不是以下指令的方式跟小朋友說話，而甚少傾聽孩子的心聲？特別在時間緊逼的時候，我們的聲線和動作是否比我們想像的大？

如果我們希望孩子有禮貌地回應我們，我們便應 以身作則 ，做個好榜樣，讓孩子們模仿。

更多文章：【教育方程式】令你成為更好父母的8件事記得每日對孩子說「我愛你」！

2.「我係做唔到㗎」「我都做唔到」「我就係唔要」「我都諗唔到」「我唔識」「我都係唔得㗎啦」

大家聽到這類說話，很容易上火，可能會心想「明明係識，點解都唔去做？」，又或者「你唔試下，又點知？」等等。可是，孩子這個時候通常已經心灰意冷，又點能夠提起幹勁去做？

爸爸媽媽們回想一下，平時我們是不是常常向他們潑冷水？常常跟孩子們說出令他們沮喪的話？例如：「越幫越忙」、「睇死你一定唔得」、「都話咗你做唔完架啦」等等。

如果我們希望孩子們積極一點，便要多說鼓勵的說話，並把我們的要求拆細小一點。例如：

「我很欣賞你想要幫忙，我見到你很努力 掃走客廳的垃圾，真係 唔該哂 你呀！之後呢，麻煩你留意下枱下面同埋凳下面，掃埋逃走緊嘅灰塵，咁我就會 更開心 㗎啦！」或「我見到你 很努力 想要完成功課，真係好乖呀！不過呢，呢版仲有兩條題目未做喎，如果你可以自動自覺做埋佢，咁我就會更開心㗎啦！」

更多文章：【教育方程式】良好家庭教育有助孩子身心發展！5種錯誤教養觀念要避免

3.「我好憎你呀」「你死咗去啦」「我唔要你」「我唔想再見到你」

作為父母，如果聽到自己的子女對自己講這番說話，我相信都幾心傷。到底一個孩子，心裏受了多少傷害，才能開口說出那麼傷害人的話語？孩子這些話是要引起我們注意：若果我再感受不到你的愛，你很快便會失去我了。

爸爸媽媽們，趕快傾聽兒女的心聲吧！如果大家不知道如何開口，可以參考以下開場白：
「我聽到你覺得好嬲，你先冷靜諗一諗，你想同我講嘅時候可以嚟揾我，我隨時都好樂意聽你說。」或「我聽到你咁講，我覺得好心傷，我相信你會知道咩講得咩唔講得，我現在先去廚房洗碗，你好好諗下，我哋等陣再傾。」

當然，如果小朋友係學其他人亂講，咁就真係要嚴厲地警告下佢。例如：

「注意你所講嘅說話，你講呢啲說話會令人嬲，咁係唔係你想要嘅結果？」或「其實你係希望XXX，咁你係咪一定要講呢啲說話，人哋先知道你想要乜？你覺得會唔會有更好嘅表達方式？」