上一篇文章（按此）解答了有關「Band1生應盡填Band1中學？」的疑團，提醒了各位家長，在派位表上盡填所有可選既B1中學。但Band1學額不足地區，Band1生該如何步署，增加入讀Band1學校的機會？
疑團（二）在B1學額不足的地區，B1學生盡填B1中學，會否派得好差？
在B1中學學額充足既地區盡填B1中學，相信大家會明白，但為何在B1中學學額不足既地區，也要盡填B1中學，這樣會否派得好差呢？
在B1中學學額不足既地區，點都一定有一班B1學生，要派入B2中學。
正如荃灣區NT2，不少人會乙1：荃官/可風/何傳耀，乙2：王少清，乙3：區內B2（如廖寶珊）。最後，自然會有一些B1學生派去乙3。
咁有咩問題呢？問題在於：放棄了執雞的機會。
如果大部份人都係咁排，咁他區既B1學校（如沙蘇），即係 乙1和乙2都沒有人選，那誰在乙3選進就有機會執雞。
另外，就算大部份人將3間熱門B1中學都放乙1，是否代表3間學校係乙1都一定收晒無位剩呢？如其中一間有1/2個剩，咁個個係乙2/3都唔選，那誰在乙3搏執雞就會執到。
記著，派位係B1學生先派，B1學生派得再差，正常也只會係統一派位表上填既B2中學（如區內B1位嚴重不足，即區內有一間或多區非B1既全英中，咁填表時要填上至少三間B2中學）
我又再試吓用另一方式去解釋:
同樣有3款水果：士多啤梨，蘋果，橙，每款水果分別只有3份，3份和1份，另外再有20杯水。
士多啤梨：3
蘋果：3
橙：1
水：20
同樣有10個小朋友，每人以同一方式去抽籤選取以上4款物品其中一樣。
現在水果只得7份，一定唔夠分俾10個小朋友。
小明同小強係物品次序表上，分別填上以下選擇（和例子一相同）：
小明既選擇次序：
（1）橙，（2）蘋果，（3）水
小強既選擇次序：
（1）橙，（2）蘋果，（3）士多啤梨，（4）水
不過，小明同小強都唔好彩, 抽籤後被安排第8和第10位去選物品既小朋友。
而且優先次序在他們之前的小朋友，全部都只係選擇了（1）橙，（2）蘋果，（3）水。
結果又會點呢?
小明都係得到水一杯，但小強又係會得到士多啤梨一份。
點解水果唔夠分，而小強係最後先選物品，竟然仲分到士多啤梨呢？
如果大家明白呢個例子，就知點解我話要盡填所有同一派位組別學校既重要性。
即刻Click入討論區一齊傾（【升中統一派位填表策略簡述】）
(本文獲教育王國會員hkpapa852授權轉載)
相關文章：
