停課期間家長擔心小朋友學習進度跟唔上，而興趣班、補習班都冇開⋯⋯家長自自然然想試下親自操刀幫小朋友溫書，甚至預習未教嘅內容！好多家長都有一定學歷，教幼稚園或小學應該冇問題？

但就有網民就煩惱小朋友唔肯畀自己教，完全唔專心！網民覺得氣餒，同時又希望搵下其他方式去教，等小朋友唔好咁抗拒⋯⋯

討論區熱話：小朋友唔肯比我教佢讀書學習,求指引！

討論區熱話：小朋友唔肯比我教佢讀書學習,求指引！

其他網民意見：

「要搵出原因先得！」

「係咪個個教都唔聽先？」

「教嗰時有冇手機不離手先」

首先呢位網民媽媽唔想發惡，又希望搵到更有趣嘅方法教小朋友，已經非常之好！小朋友唔受教，背後可能好多原因。有其他網民分享，可能係家長教時都唔無百份百投入，或者教嘅內容都有機會錯⋯⋯小朋友自然會抵觸。

始終家長冇咩教學經驗，作為伴讀或者協助係好，但真係要「教到識」，力不從心都好正常。家長同小朋友關係親密，當家長願意同小朋友溫習，小朋友都會覺得開心～不過，如果家長太嚴苛，可能會適得其反。唔單止小朋友學得唔好，仲可能搞到面阻阻。更何況個個小朋友性格都唔一樣，家長想佢學得好，都要利用唔同方法！

家長想教小朋友，需要做好多功課，又要同小朋友實戰。家長都唔適宜喺呢方面畀大太壓力自己！