最近媽媽們一直在討論有關Peppa Pig對小朋友們帶來的影響，
可謂全城鬧得熱烘烘，令到唔少媽媽都對Peppa Pig叫「停」，
更有部份家長表示唔想俾小朋友睇相關既卡通添。其實為小朋友選擇合適既卡通片都好重要，
可以令小朋友從娛樂中學習到新事物，
從而認識更多既知識。
雖然選擇合適既卡通唔算得上係一門學問，
但選對了就可以為家長作為一個教學既輔助渠道。
當然，爸媽們亦唔好俾小朋友過份沉迷於電視卡通之中，
閒時多與小朋友一齊互動一下，
有小朋友去郊外、公園等探索一下大自然都係唔錯既選擇！
上次推介左YouTube 既LINE兒歌頻道，
今次再介紹另一個YouTube 卡通卡及兒歌頻道 － BabyBus！
小JM媽媽都係偶然既機緣下係YouTube無意間search到BabyBus，
一睇之下就連小JM媽我都愛上左，
兩位主角Kiki 同Miumiu真係好乖，好有禮貌，仲好熱愛助人。
當有村內既小動物遇到問題，Kiki 同Miumiu仲會幫助一齊解決問題添。
正因為被BabyBus而吸引著，所以小JM媽我都做左小小資訊搜集，
希望從而了解多一啲關於BabyBus，繼而就緊係俾小JM睇，再從中學習啦。
BabyBus小檔案：
＊ BabyBus 係一個提供幼兒教育及學習內容既頻道。
＊ 以「快樂學習」為出發點，希望小朋可以快樂又開心咁去學習。
＊ BabyBus除左有卡通片段，仲有兒歌及小遊戲Apps添架！
內容多元化之餘，亦同小朋友既日常生活息息相關架，
小朋友睇完仲可以「學以致用」喎！
＊ 以蒙特梭利既教育理論來開發相關既片段、遊戲、兒歌等。
（以上BabyBus小檔案係小JM媽粗略作個小簡介，如有錯誤請指出喔。）
以下係其中幾個 Video/ Nursery Rhymes 既簡介：
日常生活篇：
Whiskers doesn't Brush Teeth and Has a Toothache
－ 教導小朋友要刷牙，並有出訊息俾小朋友知道唔刷牙就會有機會造成蛀牙
－ 教導小朋友每日沖涼以保持清潔，否則就有可能造成體味架啦。
學習篇：
Video篇:
－ 主要係教小朋友學習數數目，從而增加對數目的認識。
－ 邊教小朋友煮野食，邊教導顏色，有助增加學習中既互動性。
兒歌篇：
Rainbow Lollipops|Numbers & Color Song for Children
－ 以小朋友喜歡既糖果作號召，吸引小朋友。
用輕鬆易上口既歌謠帶動小朋友學習。
除左日常生活事及學習上既video之外，仲有關於節日既video架！
岩岩過左萬聖節一樣有好應節既Video：
節日篇：
攪鬼得來又好可愛，一啲都唔得人驚架。
聖誕節又臨近，所以又可以俾小朋友睇下聖誕節既video同聽兒歌都得架！
小JM都好喜歡睇BabyBus，每一見到熊貓就會好自然叫「Panda」。
雖然係好睇，但爸爸媽媽都要好好控制小朋友睇電視既情況，
切勿做成沉迷呀～^^～！
學習於娛樂，都未嘗唔係一件好事呀！
希望你地既小朋友都一樣喜歡BabyBus啦！
