大部分家長都唔希望小朋友從自己身上學到唔好嘅東西，但同時亦避免唔到孩子會從自己身上學到唔好的性格，例如今次在討論區中看到，有JM分享孩子上小學後性格表現如同自己，但並不希望是這樣：「老公性格老實型，但自己是蠱惑型，個仔好衰唔衰遺傳左我，宜家上小學現形了！」

討論區熱話：如果小朋友遺傳左你嘅衰嘢，你會點做？

樓主無可奈何，談及呢種性格每佢係職場上已經幾次令佢難受，唔希望自己孩子會似自己那樣。有JM留言講：「真係感同身受！阿妹係學晒我D衰嘢，好既唔見佢學」，亦有JM解話：「鬧同罰係冇用」、「性格唔一定會遺傳，身教重於言教」、「走精要知道帶來什麼影響和後果，最緊要教他不要傷害他人和有承擔。」⋯⋯

「講一套，做一套」係現今唔少父母會忽略嘅事，俄國著名作家列夫托爾斯泰說過：「教育孩子的實質在於教育自己，而自我教育則是父母影響孩子的最有力的方法。」父母如果想要教好孩子，除了盡量控制自己的言行，始終孩子係有樣學樣，唔好忽視「身教」帶來嘅後果，亦唔好只係識得鬧佢，因為只會令佢心底產生反抗嘅心態。

綜合網民所述，家長有以下幾點可留意：

1.建立好榜樣

「言行身教」並唔係一件難事，只要從小事開始，美國作家西格莉夫人有一句：「你希望你的孩子成為怎樣的人，你就得在自己的言行中爭當那種人。」例如：時時事事教子女應該「這樣做」、不應該「那樣做」嘅示範，如此，才能在子女心目中樹立起美好而高大的形象，想孩子學習嘅好行為，父母都應該先踏出一步，慢慢從生活習慣、行為中開始教導，切記唔好心急。

2. 多鼓勵，少責罵

相信唔少家長會看到孩子一到陌生環境時，立刻會變了一個人似的，突然蜷縮成一團，往父母懷內鑽，父母可以讓孩子事先做好充分嘅準備，多帶孩子到外面走走，多鼓勵孩子，多給孩子自我表現的機會，這樣孩子就會克服害羞，減少孩子的緊張感。

3.用孩子明白的語言去解釋

向小朋友解釋「講粗口」、「走精面」、「打人」等概念或許不容易，可以從現實生活入手，盡量唔好一開口就罵，可以嘗試擺出失望及憂傷的表情，讓孩子感受到原來自己做咗唔好嘅事，再教導孩子這些不當嘅行為。

4. 持之以恆  堅定有原則

父母除了要讓孩子慢慢明白待人處事的道理，自身亦都要不斷自行檢察，除了是自己讓孩子有好的教育外，亦讓自身成為有原則的人。

討論區熱話：如果小朋友遺傳左你嘅衰嘢，你會點做？