上文 【升中統一派位策略(一)】Band1生應盡填Band1中學 及 升中統一派位策略(二)】地區Band1學額不足 如何搏「執雞」？ 講述的，係基本派位的重點，例子亦以B1學生為主，那B2學生和B3該如何填表呢？
B2同B3學生都係被動，因為要睇上一/兩個組別既派位情況。
先講B2學生，其實策略係要按照區內B1中學學額是否足夠，去決定填表策略。
（一）在B1學額充足地區既B2學生填表策略
因為區內B1學額充足，B2學生可偷雞入到B1學校。正因如此，可考慮採用進取或保守填表法。
A) B2學生進取填表法
好簡單，乙1搏一間B1中學，乙2才開始放B2中學，盡填本區＋他區B2中學，再加上三間B3中學
記著，乙1搏的那一間B1中學，應該係較不受B1學生歡迎既學校，否則如果你放一間B1生追捧既學校，你認為真係仲有位可以留俾B2學生？
另外，因為乙1已搏了B1學校，如乙2還進取去填B1或B2大熱，你認為還可能有機會嗎？
B) B2學生保守填表法
好簡單，乙1不搏B1學校，只填B2中學，盡填本區＋他區B2中學，再加上三間B3中學
（二）在B1學額不足地區既B2學生填表策略
係B1學額不足既地區，B2學生建議用保守填表法，即乙1不搏B1學校，只填B2中學，盡填本區＋他區B2中學，再加上三間B3中學
然後再講B3學生，佢地雖然係最被動，但其實係最簡單。因為現實一點，其實佢地最差亦只係入番同水平既B3中學。
所以佢地只需考慮，是否在乙1還搏一搏B2學校（非大熱的B2中學，類似B2學生進取填表法）。
但乙1如果進取，乙2就一定要保守了！因為你乙1已放棄了較安全既選擇，乙2再唔保守，相信只會派去B3中的B3學校了。
除此以下，還有兩種學生，分別係＂B1/B2邊緣人＂和＂B2/B3邊緣人＂。因為學校也沒法能肯定他們屬那個派位組別，建議：
B1/B2邊緣人：以B2學生進取填表法去填表
B2/B3邊緣人：乙1搏一間B2中學，或乙1和乙2都搏B2中學，之後盡放B3中學
即刻Click入討論區一齊傾（【升中統一派位填表策略簡述】）
(本文獲教育王國會員hkpapa852授權轉載)
相關文章：
